Qazaqstanda GGGI-diń tikeleı jumys isteýine quqyqtyq jaǵdaı jasaldy
ASTANA. KAZINFORM - 21 qyrkúıekte Seýl qalasynda Qazaqstan Respýblıkasy men Jahandyq jasyl ósý ınstıtýty (Global Green Growth Institute, GGGI) Qazaqstandaǵy uıymnyń mártebesi týraly kelisimge (Host Country Agreement) qol qoıdy.
QR Ekologııa jáne tabıǵı resýrstar mınıstrligi baspasóz qyzmetiniń habarlaýynsha, kelisim GGGI-diń Qazaqstandaǵy quqyqtyq mártebesin aıqyndap, uıymnyń el aýmaǵynda tikeleı jumys isteýine jaǵdaı jasaıdy.
Bul Qazaqstannyń memlekettik ınstıtýttaryna kórsetiletin qoldaýdy keńeıtýge, naqty jobalardy júıeli túrde daıyndaýǵa jáne ınvestıtsııalar tartýǵa múmkindik beredi.
GGGI 55 múshe memleketti biriktiredi jáne 57-den astam elde baǵdarlamalardy iske asyrady. Qazaqstan 2022 jyldan beri GGGI múshesi bolyp tabylady.
Yntymaqtastyqtyń negizgi maqsaty – Qazaqstannyń jasyl ekonomıkaǵa kóshýin qoldaý jáne naqty ekonomıkalyq ári ekologııalyq nátıjelerge qol jetkizý úshin saraptama, tehnologııalar men ınvestıtsııalar tartý.
Aıta keteıik, osyǵan deıin Memleket basshysy ekologııa salasyna jańa strategııalyq mindetter júktegen bolatyn.
