Qazaqstanda Geologııalyq barlaý jumystarynyń jarııa eseptiliginiń qazaqstandyq qaýymdastyǵy quryldy
Onyń atap ótkenindeı, «Ult jospary - 100 naqty qadam» 5 ınstıtýtsıonaldyq reformany iske asyrý barysynda 74-qadamdy oryndaý - paıdaly qazbalar qorlary boıynsha eseptiliktiń halyqaralyq júıesine kóshý jóninde jumys júrgizilýde.
«Mıneraldy resýrstar jáne mıneraldy qazbalar bóliginde, qazirgi ýaqytta, Qazaqstanda «Committee for Mineral Reserves International Reporting Standarts» CRIRSCO halyqaralyq komıtetiniń talaptaryna sáıkes qujattar daıyndalýda. Onyń ishinde: geologııalyq barlaý jumystarynyń, mıneraldyq resýrstar men mıneraldyq qorlardyń nátıjeleri týraly jarııa eseptiliktiń kodeksi (KAZRC kodeksi), Qazaqstannyń eseptilik standarttaryn CRIRSCO júıesi boıynsha halyqaralyq standarttarǵa úılestirý jónindegi basshylyq, «Sarapshynyń kásibı etıkasy» kodeksi, «Táýelsiz sarapshylar men sarapshylar toptaryn tartý, jer qoınaýyna táýelsiz saraptama júrgizý ári olardyń qyzmetterine aqy tóleý tártibi», «Geologııalyq barlaý jumystarynyń, mıneraldyq resýrstar men mıneraldyq qorlardyń nátıjeleri týraly jarııa eseptiliktiń qazaqstandyq qaýymdastyǵy» zańdy tulǵalar birlestiginiń jarǵysy (KAZRC jarǵysy) bar», - dedi ol Ortalyq kommýnıkatsııalar qyzmetinde ótken brıfıngte.
B.Nurabaevtyń aıtýyna qaraǵanda, qazaqstandyq standarttardy CRIRSCO uıymynyń standarttarymen sáıkes etý maqsatynda sheteldik jáne otandyq sarapshylardy tartý jáne táýelsiz saraptama qyzmetin júrgizý kózdelýde.
Aıta keteıik, 2015 jylǵy qańtarda «Jer qoınaýy jáne jer qoınaýyn paıdalaný týraly» zańǵa ózgerister kúshine engen bolatyn. Qabyldanǵan túzetýler jer qoınaýyn paıdalanýshylar jumysyndaǵy kedergilerdi alyp tastaýǵa, salalyq quqyqtyq bazany jetildirýge, ınvestıtsııalyq ahýaldy jaqsartýǵa jáne salaǵa tikeleı sheteldik ınvestıtsııalar tartýǵa baǵyttalǵan.
