Qazaqstanda geologııalyq barlaý jumystary jeńildeıdi

ASTANA. QazAqparat – Búgin Májilistiń jalpy otyrysynda «Jer qoınaýy jáne jer qoınaýyn paıdalaný týraly» Kodeksine jer qoınaýyn paıdalaný salasyn jetildirý máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy, dep habarlaıdy QazAqparat tilshisi.

«Bul jobasyn Parlament depýtattary zań shyǵarý bastamasy tártibimen ázirledi. Qujat kómirsýtekterdi geologııalyq barlaý jáne óndirý salasyndaǵy jobalardyń ınvestıtsııalyq tartymdylyǵyn arttyrýǵa, sondaı-aq bazalyq jobalaý qujattaryna memlekettik saraptama júrgizý rásimderin ońtaılandyrýǵa baǵyttalǵan. Zań jobasynda ken oryndaryn ázirleý protsesinde jer qoınaýyn paıdalanýshylardyń qarjylyq jáne ákimshilik shyǵyndaryn azaıtý eskerilgen», - dedi Májilis depýtaty Dúısenbaı Turǵanov.

Atap aıtqanda zań jobasynyń negizgi erekshelikteri:

- jer qoınaýyn paıdalanýshyǵa memleket jaǵynan aıyppul sanktsııalaryn salmaı, seısmıkalyq barlaý jumystarynyń nátıjeleri boıynsha keleshegi joq uńǵymalardy burǵylaýdan bas tartýǵa quqyq berý;

- jer qoınaýyn paıdalaný jónindegi operatsııalardy, onyń ishinde kómirsýtekter salasyndaǵy jobalaý qujattaryna memlekettik saraptamany júrgizý kezinde ákimshilik rásimderdi ońtaılandyrý.

«Jalpy, zań jobasy teris áleýmettik-ekonomıkalyq jáne quqyqtyq saldarǵa ákep soqtyrmaıdy, memlekettik bıýdjetten qosymsha qarjylyq shyǵyndardy talap etpeıdi, sonymen qatar jer qoınaýyn paıdalaný jónindegi operatsııalardy júrgizýdiń retteýshi sharttaryn jaqsartýǵa múmkindik beredi. Atap aıtqanda, praktıkalyq geologııalyq barlaý jumystaryna jedel kóshý, barlyq saraptamalardyń merzimin 8-12 aıǵa deıin qysqartý, rásimder boıynsha ákimshilik shyǵyndaryn 2 esege (120 kúnnen 50 kúnge deıin) qysqartý, sondaı-aq ınvestıtsııalyq tartymdylyqty arttyrý eskerilgen», - dedi depýtat.