Qazaqstanda genetıkter men selektsıonerlerdiń kásibı qoǵamyn qurý usynyldy
ASTANA. QazAqparat - QR Bilim jáne ǵylym mınıstrligi Ǵylym komıtetiniń Ósimdikter bıologııasy jáne bıotehnologııa ınstıtýty Molekýlıarlyq genetıka zerthanasynyń meńgerýshisi Erlan Turyspekov Qazaqstanda genetıkter men selektsıonerlerdiń kásibı qoǵamyn qurýdy usyndy, dep habarlaıdy QazAqparat tilshisi.
«Jumysymyzdyń tıimdiligin arttyrý úshin túrli baǵyttardy biriktirý qajettiligi týyp otyr. Genetıkter men selektsıonerlerdiń kásibı qoǵamyn quratyn ýaqyt keldi», - dedi Erlan Turyspekov Ortalyq kommýnıkatsııalar qyzmetinde ótken baspasóz máslıhatynda.
Ol Qazaqstannyń álemdik naryqtaǵy jetekshi bıdaı jetkizýshilerdiń biri ekenin eske saldy.
«Qazaqstannan ózge ondaǵan bıdaı jetkizýshi elderde genetıkter men selektsıonerlerdiń uıymy bar. Mundaı qoǵam bizde de bolýy kerek, onda jıi bas qosyp, ózekti máselelerdi talqylaımyz», - dep atap ótti Molekýlıarlyq genetıka zerthanasynyń meńgerýshisi.
