Qazaqstanda gendik modıfıkatsııalanǵan azyq-túlikti anyqtaıtyn 5 zerthana jumys isteıdi - S.Qaıyrbekova
ASTANA. 12 qyrkúıek. QazAqparat - Qazaqstanda gendik modıfıkatsııalanǵan azyq-túlikti anyqtaıtyn 5 zerthana jumys isteıdi. Bul týraly búgin QR Prezıdenti janyndaǵy Adam quqyqtary jónindegi komıssııanyń otyrysynda QR Densaýlyq saqtaý mınıstri Salıdat Qaıyrbekova málim etti.
«Shetten tasymaldaý, gendik modıfıkatsııalanǵan azyq-túlikti paıdalaný talaptaryn saqtaýǵa memlekettik baqylaýdy qamtamasyz etý úshin QR Densaýlyq saqtaý mınıstrligi Memlekettik sanıtarlyq-epıdemıologııalyq qadaǵalaý komıtetimen gendik modıfıkatsııalanǵan azyq-túlikti anyqtaıtyn 5 zerthana quryldy»,- dedi ol.
Jalpy, mınıstrdiń sózine qaraǵanda, elimizde aýyz sýdy sanıtarlyq-epıdemıologııalyq monıtorıngileýge baqylaý kúsheıtilgen.
«Sońǵy 10 jyldyń ishinde sý qubyrymen keletin sýdyń sanıtarlyq-hımııalyq boıynsha gıgıenalyq normatıvterge sáıkes kelmeý kórsetkishi 4,2, al mıkrobıologııalyq 2,5 ese tómendedi», - dedi S.Qaıyrbekova.
