Qazaqstanda genderlik teńdiktiń jańa strategııasyn daıarlaý jumystary júrip jatyr
ASTANA. QazAqparat - QR Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııasy Qazaqstanda genderlik teńdiktiń jańa strategııasyn daıarlaýǵa kiristi. Bul týraly búgin tilshilerge bergen suhbatynda osy komıssııa tóraıymynyń orynbasary, Parlament Májilisiniń depýtaty Elena Taraseno málim etti.
«Qazaqstandaǵy genderlik teńdik strategııasy 2006 jyldan 2016 jyl kezeńine qabyldanyp, Prezıdenttiń Jarlyǵymen bekitilgen bolatyn. Bizdiń oıymyzsha, bul baǵytta kóptegen kórsetkishter boıynsha jumystar oryndaldy», - dedi depýtat. Osy oraıda ol búginde oblystarda, qalalar men aýdandarda laýazymdy qyzmetterde (sonymen qatar máslıhattarda) názik jandylardyń úlesi artyp kele jatqanyn atap ótti. «Keıbir óńirlerde áıelderdiń úlesi 30 paıyzǵa deıin jetedi, al keıbirinde shamamen 10-12 paıyz deńgeıinde. 2016 jyl jaqyndap keledi, ıaǵnı bul elektorattyq kezeń. Osy oraıda aktıvtermen jumystar mańyzdy dep sanaımyz. Saıasattanýshy áıelder klýbtarynyń jumysyn, Áıelder isteri jáne otbasylyq-demografııalyq saıasat jónindegi óńirlik komıssııalardyń jumystaryn jandandyrý kerek. Sonymen qatar eń basty maqsat - jańa qujatty ázirleý. Atap aıtqanda, aldaǵy onjyldyq kezeńge jańa strategııany daıarlaý qajet. Qazirgi kezde Ulttyq komıssııa úkimettik emes uıymdarmen, halyqaralyq uıymdarmen birlese osy jumysqa ázirlenip jatyr»,- dedi E.Tarasenko.
