Qazaqstanda genderlik bastamalardyń biryńǵaı terezesi qurylady
Oǵan Eýropa odaǵy, Dúnıejúzilik bank, EQDB, ADB, EQYU, BUU-Áıelder, BUUDB, ıÝNISEF jáne ıÝNFPA ókilderi qatysty, dep habarlaıdy QazAqparat.
Onlaın-kezdesý barysynda Lázzat Ramazanova halyqaralyq uıymdar men qarjy ınstıtýttaryna Ulttyq komıssııa janyndaǵy jańartylǵan Saraptamalyq toptyń quramyna kirýdi usyndy.
«Biz Qazaqstanda qatysyp otyrǵan jáne is júzinde genderlik komponentti iske asyratyn halyqaralyq uıymdar men damý ınstıtýttarynyń kúsh-jigerin shoǵyrlandyrýǵa nıettimiz. Qazirgi ýaqytta Ulttyq komıssııa Saraptamalyq topty jańartýǵa kiristi. Osyǵan baılanysty biz sizderdi onyń jumysyna belsendi qatysýǵa shaqyramyz. Qıyn ekonomıkalyq jaǵdaıda bul tıimdi sharalardy birlesip júzege asyrýdyń biregeı múmkindigi», - dedi Lázzat Ramazanova.
Saraptamalyq top negizgi úsh baǵyt boıynsha jumys isteıtin bolady: otbasy saıasaty, genderlik saıasat jáne turmystyq zorlyq-zombylyqtyń aldyn alý. Bul rette, júıeli sharalar respýblıkalyq deńgeıde, al jobalyq sharalar – óńirler arasynda úzdik tájirıbeni berýdi qamtamasyz ete otyryp, oblystyq deńgeıde iske asyrylatyn bolady.
Óz tarapynan kezdesýge qatysýshylar genderlik teńdik, áıelder men balalar máselelerin sheshýge baǵyttalǵan bastamashylyq jobalar týraly aıtty. Lázzat Ramazanova jaqyn arada halyqaralyq jáne donorlyq uıymdar qatysatyn jobalardyń biryńǵaı bazasy qurylatynyn atap ótti.
Sondaı-aq, Tóraıym Lázzat Ramazanova BUU Áıelderge qatysty kemsitýshilikti joıý jónindegi komıtetiniń usynymdaryna negizdelgen Ulttyq komıssııanyń josparlaryna nazar aýdardy.
«Eger siz osy baǵyttardaǵy kúsh-jigerimizdi qoldap, josparlarymyzdy osy jyldan bastap jumys baǵdarlamalaryna engizseńiz, barlyq halyqaralyq uıymdarǵa rızashylyǵymyzdy bildiremiz. Biz árqaısysymen ózara is-qımyl jáne ózara tıimdi barynsha qoldaý kórsetý joldaryn talqylaýǵa daıynbyz», - dep atap ótti Lázzat Ramazanova.
