Qazaqstanda gemofılııaǵa shaldyqqan eki myńǵa jýyq naýqas bar
ASTANA. 17. aqpan. QazAqparat - Qazaqstanda gemofılııaǵa shaldyqqan eki myńǵa jýyq naýqas bar. Bul týraly búgin elordada Respýblıkalyq jedel medıtsınalyq kómek kórsetý ortalyǵynyń bólim jetekshisi,
medıtsına ǵylymynyń doktory Ersin Júnisov málim etti.
«Bizdiń derekterge sáıkes, Qazaqstanda 2 myńǵa tarta naýqas bar. Onyń ishinde 250 naýqasqa qazirgi ýaqytta ota jasaý qajet. Sonymen qatar birneshe býynnyń zaqymdanýyna baılanysty 500-deı naýqasqa osy ortalyqta sapaly medıtsnıalyq kómek qajet etiledi», - dedi ol.
Onyń atap ótýinshe, gemofılııa qannyń uıýymen baılanysty tuqym qýalaıtyn aýrý. Sonymen qatar ol býyndarǵa, bulshyq etterge, ishki organdarǵa qan quıylýy barysynda tosyn nemese jaraqattyń jáne hırýrgııalyq aralasýdyń nátıjesinde paıda bolady.
Jalpy bul aýrýdy úshke bólip qarastyrýǵa bolady. Alǵashqysy týa bite paıda bolatyn syrqat ári ol býyndarda qan uıýynan, býyndardyń qabynýynan paıda bolady. Al qalǵan ekeýi em alý barysynda uzaq ýaqyt boıy qabyldanǵan gormanaldy dári-dármekterdiń áserinen býyndardyń zaqymdanýynan týyndaıdy. «Otalardyń ishindegi eń qıyny - endoprotezdeý. ıAǵnı jasandy jambas, tize, býyn salý. Mundaı naýqastarǵa shuǵyl jaǵdaıdyń ózine ota jasaý 2010 jylǵa deıin erlik sanalyp keldi», - dedi E. Júnisov.
