Qazaqstanda gemoblastoz-sozylmaly melaleıkozben aýyratyn 600-ge jýyq múgedek bar
ALMATY. Shildeniń 10-y. QazAqparat /Erbol Azanbek/ - Qazaqstanda resmı túrde 600-ge jýyq gemoblastoz-sozylmaly melaleıkozben aýyratyndar tirkelgen. Bul týraly búgin Almatyda ótip jatqan «Sozylmaly melaleıkozdy emdeýdegi jáne naýqastardy halyqaralyq standarttarǵa sáıkes zamanýı tıimdi dárimen qamtamasyz etýdegi úzdiksizdik» atty konferentsııa barysynda aıtyldy.
«Gemoblastozdarmen syrqat múgedekter qoǵamdastyǵynyń» vıtse-prezıdenti Tamara Kalenchýktyń aıtýynsha, bul naýqastarǵa ómir boıy ómirlik mańyzy bar preparattardy qabyldaýǵa týra keledi. Sondyqtan tıimdi terapııa máselesi medıtsınalyq máseleler qatarynan medıtsınalyq-áleýmettik máseleler qataryna ótti. «Osyǵan baılanysty osy aýrýmen aýyratyn adamdardyń bastamashyl toby birigip, qaýymdastyq qurǵan edik. Basty maqsat naýqastardyń basyn biriktirý, aýrýdy zertteý, emdeý sapasyn arttyrý. Sonymen qatar aýrýlardyń quqyqtaryn qorǵaý, aýrýdyń aldyn-alý men olardy qaraýshy týystaryn úıretý úshin emdelýshiler mektebin qurý», deıdi T.Kalenchýk.
Qazaq Ulttyq onkologııa jáne radıologııa ınstıtýtynyń gemablastozdar bóliminiń meńgerýshisi Svetlana Sultanǵazıevanyń aıtýynsha, Qazaqstanda sońǵy 5 jylda gemoblastozben aýyratyndar men ólim kórsetkishi turaqty túrde qalyp otyr. ıAǵnı, ósý men tómendeý joq. Aımaqtar boıynsha Soltústik Qazaqstan, Qostanaı, Pavlodar oblystarynda aýrý men ólim kórsetkishi joǵary bolyp otyr. Jalpy, elimizde bul aýrýmen aýyratyndardyń jalpy sany 2005 jyly 1368 adam bolsa, 2009 jyly 1257 adam bolǵan.
Konferentsııa barysynda aýrýlar sanyn azaıtý men naýqastardyń dárimen qamtamasyz etilýi, emdeýdiń halyqaralyq standarttaryna kóshý máseleleri talqylandy.
