Qazaqstanda gazotehnıkalyq ınspektsııa qurylýy múmkin
ASTANA. QazAqparat - Qazaqstanda gazotehnıkalyq ınspektsııa qurylýy múmkin. Mundaı usynysty búgin Úkimettiń selektorlyq rejimdegi otyrysynda QR Іshki ister mınıstri Qalmuhambet Qasymov jasady, dep habarlaıdy QazAqparat.
«2015 jyly biz vedomstvoaralyq komıssııada gaz qural-jabdyqtaryn paıdalaný máselesin eki ret qaradyq. Ulttyq ekonomıka mınıstrligine ókiletti organ retinde jergilikti atqarýshy organǵa berilgen atalǵan qyzmettiń úlgilik erejesin, mindeti men qyzmetin ázirleý usynylǵan edi. Biraq, áli kúnge deıin jergilikti jerlerde bul jumys júrgizilgen emes. Búgingi tańda gazotehnıkalyq ınspektsııa Astana, Almaty jáne Qostanaı oblysynda ǵana bar. Osyǵan baılanysty Ulttyq ekonomıka mınıstrligine qysqa merzimniń ishinde atalǵan normatıvtik bazany ázirleý, al óńirlerdegi ákimderge gazotehnıkalyq ınspektsııa qurýdy qamtamasyz etý usynylady», - dedi mınıstr.
Osy rette ol Shymkenttegi turǵyn úıdiń apatqa ushyraýyna gaz jylý júıesinen tabıǵı gazdyń syrtqa shyǵý sebep bolǵanyn aıtty.
«Bul is boıynsha qylmystyq is qozǵalyp, tergeý amaldary júrgizilýde. Bul jerde gaz qurylǵylary óte óreskel paıdalanylǵan. Biz de saraptama júrgizdik. Jyl saıyn elimizde gaz qural-jabdyqtaryn paıdalaný erejesin buzýmen baılanysty 60-tan 90-ǵa deıin jarylys oryn alady. Bul jerde de gazdy paıdalaný salasynda baqylaý joq. Alaıda ol jergilikti atqarýshy organǵa berilgen», - dedi Qasymov.
