Qazaqstanda gazdy qaıta óńdeıtin zaýyt salynýy múmkin

NUR-SULTAN. QazAqparat – Qazaqstanda gazdy qaıta óńdeıtin zaýyt salynýy múmkin. Bul týraly búgin Úkimet úıindegi baspasóz máslıhatynda QR Energetıka birinshi vıtse-mınıstri Mahambet Dosmuhambetov aıtty, dep habarlaıdy QazAqparat tilshisi.

«Gazdy qaıta óńdeıtin zaýyt qurylysyna qatysty aıtar bolsam, búgingi kúni óndiriletin ilespe gaz kólemin kádege asyrý munaı óndirýdi arttyrýǵa tejeý bolyp otyrǵan faktor sanalady. Osyǵan oraı gazdy qaıta óńdeıtin zaýyt salý nusqasy qaralyp jatyr. Ázirshe, boljammen jylyna 1 mlrd tekshe metrlik óndiristik qýatty, degenmen odan keıin eseleı túsýge múmkindigi bar modýldik turǵyda jasalatyn nusqasy qarastyrylýda», - dedi ol.

Onyń aıtýynsha, qazirgi ýaqytta bul máseleniń tehnıkalyq jaǵy qarastyrý ústinde.

«Dál osyǵan jobanyń quny da, qarjylandyrý máseleleri de baılanysty. Bul másele ázirshe talqylanyp jatyr. Degenmen, is júzinde bul óte durys sheshim. Menińshe, qajettilikti esker otyryp, ony taıaý úsh jyldyń ishinde júzege asyrǵan jón sııaqty. Áıtpese, odan keıin onyń tıimdiligi ózekti bolmaı qalady», - dedi birinshi vıtse-mınıstr.