Qazaqstanda gazben júretin kólik sany 1 jylda eki esege artty
ASTANA. QazAqparat - Qazaqstanda bir jyldyń ishinde ǵana gazben júretin kólikterdiń sany 160 myńnan 333 myńǵa deıin jetken. Bul týraly QR Energetıka mınıstrligi gaz ónerkásibin damytý departamentiniń dırektory Zııash Qııaqbaev málim etti, dep habarlaıdy «QazAqparat» HAA tilshisi.
«2018 jyly Qazaqstan Respýblıkasynyń gaz jáne gazben jabdyqtaý talaptaryna sáıkes, elimizde gazdyń baǵasyn memlekettik retteý júıesi qalyptasady. Ár toqsan saıyn Energetıka mınıstrligi UEM-men birlesip, suıytylǵan gazdyń baǵasyn belgilep otyrady. Іshki ister mınıstrliginiń keltirgen málimetine júginsek, 2016 jyly Qazaqstanda suıytylǵan gazdy otyn retinde paıdalanatyn avtokólikterdiń sany 160 933 bolsa, 2017 jyldyń 6 aıynyń esebi boıynsha mundaı kólikterdiń sany 333 myńǵa jetken. ıAǵnı, osy qarastyrylǵan ýaqytta kólikter sany eki esege óskenin baıqaýǵa bolady», - deıdi Zııash Qııaqbaev.
Onyń aıýynsha, suıytylǵan gazdy tutyný boıynsha 2015-2016 jyldar arasynda ishki naryqtaǵy gazdy tutynýdyń kólemi 22-25 paıyzǵa ósse, qazirgi ýaqytta Qazaqstanda suıytylǵan gazdy tutyný aıyna 80-85 myń tonnaǵa deıin jetip otyr.
«Gazdy eń kóp paıdalanylatyn óńir - Mańǵystaý oblysy. Ol óńirde aıyna 13 500-14 500 tonna gaz tutynady. Jaz aılarynda suıytylǵan gazdy paıdalaný mólsheri ósedi. Al qys aılarynda azaıady», - deıdi Zııash Qııaqbaev.
