Qazaqstanda gaz taratý uıymdaryna jańa talap engizilýi múmkin
ASTANA. KAZINFORM – Bul týraly Ortalyq kommýnıkatsııalar qyzmetinde ótken baspasóz májilisinde QR Energetıka vıtse-mınıstri Qaıyrhan Tutqyshbaev málimdedi.
Onyń aıtýynsha, Parlament Májilisiniń depýtattary gazben jabdyqtaý jáne elektr energetıkasy máseleleri boıynsha zańnamaǵa ózgerister engizý týraly zań jobasyn ázirlegen.
-Zań jobasynda gaz taratý uıymyna óz gaz qubyrlaryn tikeleı magıstraldyq gaz qubyryna qosý jónindegi mindetti talap engizý kózdelgen. Bul tutynýshylarǵa qoldanylatyn «qos tarıfterdi» boldyrmaýǵa múmkindik beredi, - dedi Qaıyrhan Tutqyshbaev.
Vıtse-mınıstrdiń aıtýynsha, zań jobasy gaz salasyndaǵy memlekettik retteýdi jetildirýge, taýarlyq gazdy esepke alý júıesin tsıfrlandyrýǵa jáne gazben jabdyqtaý sapasyn arttyrýǵa baǵyttalǵan.
Aıta keteıik, atalǵan zań jobasy 11 maýsymda Parlament Senatynda eki oqylymda qabyldandy. Qazirgi ýaqytta Memleket basshysynyń qol qoıýy kútilip otyr.
Eske salaıyq, Qazaqstanda gaz tutynýǵa áleýmettik norma engizilýi múmkin.
