Qazaqstanda gaz salasyn damytýdyń keshendi jospary ázirlenip jatyr
«Memleket basshysynyń tapsyrmasyn oryndaý úshin Energetıka mınıstrligi múddeli memlekettik organdarmen jáne gaz salasyndaǵy ulttyq operatormen birlesip, salany «qaıta júkteýge» baǵyttalǵan Gaz salasyn damytýdyń keshendi josparyn ázirleýde», - delingen QR Energetıka mınıstrligi málimetinde.
Keshendi jospar jobasynda mynadaı is-sharalar qamtylǵan:
1. Geologııalyq barlaý, sonymen qatar jumys istep turǵan jáne jańa ken oryndarynda gaz óndirýdiń jańa jobalary esebinen gazdyń resýrstyq bazasyn ulǵaıtý.
2. Mınıstrlik gazǵa baǵa belgileýdiń jańa modeli boıynsha jumys júrgizýde, munda qazaqstandyq gaz resýrstarynyń shekteýliligi jáne kommertsııalyq tutynýshylardyń baǵasyn naryqtyq baǵa deńgeıine deıin kóterý eskerilýi tıis.
3. Negizgi gaz tasymaldaý ınfraqurylymy negizinen Keńes zamanynda salynǵan jáne qaýipsiz paıdalanýdy qamtamasyz etý úshin qomaqty ınvestıtsııany qajet etedi. Gaz tasymaldaý ınfraqurylymynyń jaı-kúıine tehnıkalyq aýdıt júrgizý, sondaı-aq qarjylandyrý kózderi men ınvestıtsııalardy qaıtarý tetikterin aıqyndaý qajet.
4. Turaqty gazdandyrýdy jalǵastyrý úshin gazdandyrýdyń bas shemasy ózektendiriledi, gazdandyrý nysandaryn ulttyq operatordyń teńgerimine berý qaǵıdalary jeńildetiledi.
«Tutastaı alǵanda, joǵaryda atalǵan sharalardy qabyldaý 2030 jylǵa qaraı: taýarlyq gaz óndirisin 42 mlrd tekshe metrge deıin ulǵaıtýǵa, gaz ınfraqurylymynyń senimdiligin arttyrýǵa, halyqtyń áleýmettik osal toptary úshin baǵany ustap turýdy eskere otyryp, baǵa belgileýdiń qajetti modelin belgileýge, eldi gazdandyrýdy 65% - ǵa deıin ulǵaıtýǵa múmkindik beredi», - dep túsindirilgen vedomstvo aqparatynda.
