Qazaqstanda gaz qory 7 trln. tekshe metrden asady - U. Qarabalın
ASTANA. QazAqparat - Qazaqstanda gaz qory 7 trln. tekshe metrden asady. Bul týraly búgin selektorlyq tártiptegi Úkimet otyrysynda QR Munaı jáne gaz mınıstri Uzaqbaı Qarabalın málim etti.
«Qazaqstanda geologııalyq gaz resýrstary (Kaspıı shelfinde ashylǵan jańa ken oryndaryn esepke alǵanda) 6-7 trln. tekshe metrden asady. Shyǵarylǵan qor kólemi 3,8 trln. tekshe metrden joǵary»,- dedi mınıstr. Onyń sózine qaraǵanda, Teńiz, Qarashyǵanaq, Qashaǵan ken oryndarynyń qory Qazaqstannyń barlyq qor kóleminiń 75 paıyzyn quraıdy.
