Qazaqstanda «ǵaryshtyq» jýrnalısterdiń pýly qurylýda

ASTANA. 5 aqpan. QazAqparat - Qazaqstan Respýblıkasynyń Ulttyq ǵarysh agenttigi eldiń ǵaryshtyq qyzmeti týraly jańalyqtar taratý úshin jýrnalıster pýlyn qurý maqsatynda buqaralyq aqparat quraldarynyń akkredıttatsııasyn ótkizýde.

QR Ulttyq ǵarysh agenttiginiń jaýapty hatshysy Erǵazy Nurǵalıevtiń atap ótýinshe, jýrnalıstik pýldar kóptegen memlekettik organdarda, sonyń ishinde Qazǵaryshta da paıda boldy.

Búginde Qazǵaryshta akkredıttatsııadan otyzǵa jýyq buqaralyq aqparat quraly ótti, sonyń ishinde Qazaqstannyń jetekshi telearnalary, baspasóz basylymdary, ınternet-resýrstary, sondaı-aq halyqaralyq BAQ-tardyń ókilderi bar.

Qazǵarysh jýrnalısterdi aldaǵy aptada ótýi tıis QR Ulttyq ǵarysh agenttiginiń 2012 jylǵy jumysynyń qorytyndysyna arnalǵan keńeıtilgen alqa májilisine shaqyratyn bolady.