Qazaqstanda ǵarysh zymyrandaryn ushyrý saldarynan ýly lastanýdy anyqtaýdyń biregeı ádistemesi patenttelgen - Qazǵarysh
ASTANA. 17 mamyr. QazAqparat - «Ǵarysh-Ekologııa» ǵylymı-zertteý ortalyǵynyń ǵalymdarymen Qazaqstanda ǵarysh zymyrandaryn ushyrǵannan keıin qorshaǵan orta nysandarynda zymyrandyq otynnyń ýlandyrǵysh komponentterin anyqtaýdyń biregeı ádistemesi patenttelgen.
Bul týraly QR Ulttyq ǵarysh agenttiginiń tóraǵasy Talǵat Musabaev málim etti, dep habarlady Rrimeminister.kz.
«Ókinishke qaraı, jeke zymyran-tasymaldaǵyshtardyń zymyrandyq otyny zııandy ýlylyǵy joǵary komponentterden turatyn geptıl, amıl jáne basqa da ekologııalyq jaǵdaıǵa keri áserin tıgizetin zattardan quralǵan. Al búgin biz alǵash ret topyraqtaǵy geptıl men amıl mólsherin anyqtaýdyń ádistemesin jasadyq», - dedi T.Musabaev.
«Qazaqstanda «Ǵarysh-Ekologııa» ǵylymı-zertteý ortalyǵy qurylǵan, ol «Baıqońyr» ǵarysh aılaǵynan zymyrandardy ushyrýdyń ekologııalyq súıemeldeýimen aınalysady. Muny daıyndaýǵa múmkindik bergen ǵylymı-zertteý bazasy Baıqońyrdaǵy jáne Jezqazǵandaǵy zerthanalardan turady, onda zymyran ushyrý monıtorıngisi júrgiziledi, sonymen qatar mobıldi kóshpeli zerthanalar qamtylǵan», - dep túsindirdi Qazǵarysh basshysy.
Aıta ketý kerek, Qazaqstanda ekologııalyq jaǵdaıǵa keri áser etetin ýlylyǵy joǵary otyn túrlerimen zymyran ushyrýdy qysqartý máselesi birneshe ret kóterilgen. Kelisimderge sáıkes reseılik tarap ekologııalyq jaǵdaıǵa keri áserin tıgizetin «Proton» zymyran-tasymaldaǵyshtaryn «Baıqońyr» ǵarysh aılaǵynan ushyrýdy kezeń-kezeńmen qysqartýǵa múmkindik týǵyzýǵa mindettelgen bolatyn.
Osylaısha, agenttik Úkimetke 2013 jylǵa Baıqońyr ǵarysh aılaǵynan ǵaryshtyq ushyrýlar boıynsha qorytyndy daıyndady, onda olardyń sanyn 17-den 15-ke qysqartý usynylyp otyr.
