Qazaqstanda gandboldyń damýy óte joǵary deńgeıde - Azııa gandbol federatsııasynyń atqarýshy dırektory
ALMATY. 13 qyrkúıek. QazAqparat /Erbol Azanbek/ - Qazaqstanda qol doby sporty óte joǵary deńgeıde damyp otyr. Bul týraly búgin Almatyda ótken baspasóz máslıhaty barysynda Azııa gandbol federatsııasynyń atqarýshy dırektory Ahmed Abý Al-Hılal aıtty.
«1990 jyldardyń aıaǵyna deıin Qazaqstanda gandbol oıyny múldem joq deýge bolatyn. Birneshe jyldyń ishinde Qazaqstan gandbol boıynsha Azııa qurlyǵyndaǵy kóshbasshylar qatarynan kórindi. Bul Gúlnar Turlyhanova basqaratyn Qazaqstandaǵy gandbol federatsııasynyń eren eńbegi arqasynda. Qazaqstandyq gandbolshylary búginde búkil Azııa kóshbasshylary sanalady»,- dedi Azııa gandbol federatsııasynyń atqarýshy dırektory.
Eske sala keteıik, elimizdiń gandboldan qyzdar quramasy 3 ret Azııa chempıony atandy. Qazirgi kezde Azııadaǵy kóshbasshy quramalardyń biri sanalady.
