Qazaqstanda ǵalymdar men kásipkerler sýperkompıýterdi jalǵa ala alady
ASTANA. KAZINFORM – Premer-Mınıstr Oljas Bektenov aqparattyq-kommýnıkatsııalyq ınfraqurylym obektilerin jalǵa alý rásimderin ońaılatýdy tapsyrdy.
Aıta keteıik, 2024 jyldyń sońyna deıin «Samuryq-Qazyna» ulttyq ál-aýqat qory jáne Group42 kompanııasymen birlesip neǵurlym zamanaýı tehnologııalardy paıdalana otyryp, sýperkompıýter iske qosylady.
Sýperkompıýter jasandy ıntellekt modelderin qurýǵa qyzmet etedi jáne ǵylymı, akademııalyq ortaǵa, sondaı-aq jasandy ıntellekt ónimderin jasaýda kommertsııalyq maqsatta qoljetimdi bolady.
«Sýperkompıýterdiń esepteý qýatyn paıdalaný ony bıznes pen ǵylymı qoǵamdastyqqa jalǵa berý arqyly ekonomıka sektorlarynda ónimdilikti arttyrýǵa múmkindik beredi. Sýperkompıýter jobasyn bastaý úshin jasandy ıntellekt quraldarynyń quqyqtylyǵy boıynsha shuǵyl sharalar qabyldaý qajet», - dedi O.Bektenov Úkimet otyrysynda.
Úkimet basshysy aqparattyq-kommýnıkatsııalyq ınfraqurylym obektilerin jalǵa alý rásimderin ońaılatý, sondaı-aq qazaqstandyq til modelin (KazLLM) ázirleýdi jedeldetý mańyzdy ekenin jetkizdi.
«Osyǵan baılanysty Qarjy mınıstrligine bıylǵy shildeniń sońyna deıin qoldanystaǵy tártipke qajetti túzetýlerdi pysyqtaýdy tapsyramyn. Ǵylym mınıstrligi Nazarbaev ýnıversıtetimen birlesip, jyl sońyna deıin KazLLM úlken tildik modeline arnalǵan derekter jınaýdy aıaqtasyn. Saıasat Nurbekuly (Ǵylym jáne joǵary bilim mınıstri – red.), birinshi modeldi synaqtan ótkizý bıyl 3-toqsanda júrgizilýge tıis», - dedi O.Bektenov.
