Qazaqstanda fýtboldan jazǵy transferlik tirkeý kezeńi bastaldy
NUR-SULTAN. QazAqparat - Elimizde 2020 jylǵy fýtbol maýsymynyń jazǵy transferlik tirkeý kezeńi bastaldy, dep habarlaıdy QazAqparat tilshisi.
Komandalar 20 shildeden bastap Qazaqstan kásipqoı fýtbol lıgasynyń https://pflk.kz/rus/news/5720#league=2 jarystaryna qatysý úshin jańa oıynshylardy tirkeı alady.
Málim bolǵanyndaı, FIFA kelisimi boıynsha atalǵan kezeńniń bir aptasy 2021 jyldyń kóktemindegi transferlik kezeńge aýystyrylady. Eger 2020 jyly jarysty aıaqtaýǵa múmkindik bolmasa, bul sheshimniń kúshi aldaǵy jyly saqtalady.
«FIFA sheshimimen elimizde oıynshylardy jazǵy tirkeý kezeńi 20 shildede bastalyp, 9 tamyzda aıaqtalady. Ol 21 kúnge sozylady», - dep jazylǵan Qazaqstan kásipqoı fýtbol lıgasy taratqan habarlamada.
Esterińizge sala ketelik, qazirge deıin fýtboldan Premer-lıga komandalary arasyndaǵy Qazaqstan chempıonatynyń úsh týry ótkizildi. Elimizdegi karantın jaǵdaıyna baılanysty ony jalǵastyrý belgisiz merzimge keıinge shegerildi .
Qazir týrnır kestesinde 9 upaımen Almatynyń «Qaırat» komandasy kósh bastap keledi. Odan keıingi oryndarda elordalyq «Astana» jáne Qostanaıdyń «Tobyl» klýbtary tur.
