Qazaqstanda fýtbol jankúıerlerine arnalǵan mobıldik qosymsha jasaldy
ASTANA. QazAqparat - Qazaqstannyń Kásipqoı fýtbol lıgasy derbes mobıldik qosymshasyn iske qosty, dep habarlaıdy QazAqparat «Habar 24» telearnasyna silteme jasap.
Qazaqstandyq jankúıerler alǵash ret óz smartfondary arqyly el chempıonatynyń matchtaryndaǵy ózgerister, birinshi jáne ekinshi lıga komandalarynyń quramy týraly tikeleı habar alyp otyra alady.
Qosymshany qazirdiń ózinde júktep alýǵa bolady.
Lıganyń baspasóz qyzmeti ókilderiniń aıtýynsha, platforma aldaǵy ýaqytta jetildiriletin bolady. Atap aıtqanda, aldaǵy ýaqytta jankúıerler qosymsha arqyly oıyndarǵa boljam jasaı alady. Boljamy dál kelgen jankúıerler upaı jınap, lıganyń áriptes dúkenderinen qalaǵan buıymyn jeńildikpen ala alady.
