Qazaqstanda fýtbol, jaǵajaı fýtboly men fýtzaldyń úzdikteri anyqtalady
NUR-SULTAN. QazAqparat – Elordada bıylǵy fýtbol maýsymynyń jabylý rásimi ótkiziledi, dep habarlaıdy QazAqparat Qazaqstannyń fýtbol federatsııasyna silteme jasap.
«Qazaqstannyń fýtbol federatsııasy 2019 jylǵy maýsymnyń qorytyndysy boıynsha úzdik fýtbolshylar, bapkerler jáne menedjerlerdi saltanatty marapattaý rásimin uıymdastyrady. Shara 11 qarasha kúni Nur-Sultan qalasynyń Beıbitshilik jáne kelisim saraıynda ótedi», delingen habarlamada.
Marapattaý rásiminde erler jáne áıelder fýtboly, jaǵajaı fýtboly men fýtzaldyń úzdikteri anyqtalady. Saltanatty sharaǵa fýtbol ardagerleri, BAQ ókilderi, shoý-bıznes, telearna, kıno men otandyq estrada juldyzdary qatysady.
