Qazaqstanda fıtnes-ortalyq abonementi qansha turady

ASTANA. KAZINFORM – Qazaqstan qalalarynda fıtnes jáne jattyǵý zaldary kóp. Keıbiri áıelderge, keıbiri erlerge dep bólek zal qarastyrǵan. Sonymen birge aralas fıtnes-klýbtar da bar.

Қазақстанда фитнес-клуб абонементі қанша тұрады
Фото: Александр Павский/ Kazinform

Abonement aqysyn salystyrǵan kezde bir aıǵa arnalǵany saralandy. Onda 8-10 jattyǵý sabaǵy kiredi. Eń arzany Taraz qalasynda bolyp shyqty. Munda bir aıǵa arnalǵan abonement baǵasy 5 000 teńgeden bastalyp, 15 000 teńgege deıin jetedi. Sodan keıingi orynda Qostanaı qalasy tur. Munda baǵa 6400 teńgeden bastalady.

Aıtyp óteıik, keıbir jattyǵý zalyndaǵy baǵa kúndiz nemese keshkilik ýaqytqa qaraı ártúrli bolady. Túske deıin barsańyz, arzanǵa túsedi. Sodan keıingi orynda Pavlodar men Kókshetaý qalalary tur. Munda abonement quny 7500 teńge. Qyzylorda men Jezqazǵanda baǵa odan sál qymbat, ıaǵnı, 8000 teńgeden bastalady. Jezqazǵandy bólek alsaq, 30 000 teńgege deıin jetedi.

Shymkentte bir aılyq abonement baǵasy 9 500 teńgeden bastalady. Orta eseppen 19 000 teńgege deıin jetedi.

Aqtóbe, Óskemen, Qaraǵandy qalalarynda fıtnes jáne jattyǵý zaldarynyń bir aılyq abonementi 10 000 teńgeden bastalady. Qymbaty 30 000 teńgege deıin jetedi. Eske sala keteıik, abonement baǵasyna 8-10 jattyǵý sabaǵy kiredi. Al eger esh shekteýsiz jattyǵýdy tańdasańyz, baǵa kóterile beredi.

Aqtaý men Petropavlda bir aılyq abonement 11 000 teńgeden bastalady. Túrkistan, Taldyqorǵan men Oralda abonement quny 12 000 teńgeden joǵary bolyp tur.

Ekinshi orynda Almaty qalasy tur. Munda baǵa 13 500 - 40 000 teńge aralyǵynda. Qazaqstannyń ońtústik astanasynda iri jáne usaq fıtnes, jattyǵý zaldary kóp.

Semeı, Atyraý men Astanada qyzmet kórsetý baǵasy qymbat. Semeı men Atyraýda baǵa 20 000 - 22 000 teńge turady. Al Qazaqstan astanasynda abonement baǵasy 60 000 teńgege deıin jetedi.

Jattyǵý jáne fıtnes zaldarynda bir rettik jattyǵý quny 1500-5000 teńge aralyǵynda. Sonymen birge stýdentterge, zeınetkerlerge, balalar men áıelderge arnalǵany da bar. Eń qymbaty jeke jattyqtyrýshyny jaldaý. Onyń qyzmeti 30 000 - 40 000 teńge turady.

Eske salsaq, buǵan deıin Qazaqstandaǵy qyzǵaldaq jáne raýshan gúlderdiń baǵasyn bildik

Sonymen birge aýyzashar quny, qorqaýshylar qyzmeti men kınoǵa bılet baǵasy saralandy.

Сейчас читают