Qazaqstanda FIFA WORLD CUP 2026 monetalary satyla bastady
ASTANA. KAZINFORM — Monetanyń satylymy 2026 jylǵy 5 mamyrda bastaldy, dep habarlaıdy QR Ulttyq bankiniń baspasóz qyzmeti.
Banktiń baspasóz qyzmetiniń málim etkenindeı, altyn jalatylǵan FIFA WORLD CUP 2026 monetasy 925 synamaly kúmisten daıyndalǵan jáne túrli tústi baspa tehnologııasy qoldanylǵan.
— FIFA WORLD CUP 2026 kollektsııalyq monetasy ázirlengende nemistiń MDM Münzhandelsgesellschaft mbH & Co. KG Deutsche Münze (MDM) nýmızmatıkalyq kompanııasy seriktes boldy. Onyń 2026 jylǵy fýtboldan álem chempıonatyna arnalǵan kollektsııalyq monetalardy shyǵarýǵa FIFA bergen resmı lıtsenzııasy bar. Bul — fýtbol tarıhyndaǵy HHІІІ chempıonat jáne alǵash ret úsh elde qatar ótedi. Onyń ústine, aqtyq oıyndarǵa qatysatyn ulttyq quramalardyń sany 48-ge deıin ulǵaıtylyp otyr, — delingen habarlamada.
Moneta reversiniń joǵarǵy bóliginde fınaldyq oıyndardy qabyldaıtyn Kanada, AQSh jáne Meksıka elderiniń jalaýy beınelengen.
Ortasynda jer shary kontınentteri men «FIFA WORLD CUP 26 TM» degen jazý bar.
Tómengi bóliginde FIFA-nyń Álem kýbogy beınelengen. Al fýtbol doby keskindelgen kompozıtsııanyń eki jaǵynda fýtbolshylardyń beınesin kórýge bolady.
Monetany Ulttyq banktiń ınternet-dúkeninen satyp alýǵa bolady.
Osyǵan deıin AQSh-ta Tramp beınelengen meretoılyq altyn moneta jasalyp jatqanyn jazdyq.
