Qazaqstanda ferroqorytpa óndirisi artty
NUR-SULTAN. QazAqparat – Qazaqstannyń ferroqorytpa eksporty tonnamen eseptegende artqanymen, aqshaǵa shaqqanda aıtarlyqtaı qysqardy, dep habarlaıdy QazAqparat tilshisi energyprom.kz resýrsyna silteme jasap.
«Óndiris oń kórsetkishke ıe. Bir jyldaǵy ósim 6 paıyzǵa jetti. Ótken jyldyń 10 aıynda elimizde 2,02 mln tonna ferroqorytpa óndirildi. Onyń 34,3 paıyzy nemese 693,9 myń tonnasy - Aqtóbe oblysynda, 62,9 paıyzy nemese 1,27 mln tonnasy - Pavlodar oblysynda shyǵaryldy. Ferroqorytpanyń jalpy kóleminiń 86 paıyzy - ferrohromǵa tıesili. 2019 jyldyń qańtar-qarashasynda óndirilgen ferrohrom kólemi 1,74 mln tonna boldy. Bul bir jyl burynǵy kólemnen 7,7 paıyzǵa artyq. Munan bólek 110,5 myń tonna ferrosılıkomarganets óndirildi», - delingen taratylǵan aqparatta.
2019 jyldyń 10 aıynyń qorytyndysynda elimizde óndirilgen ferroqorytpanyń tórtten úshi eksportqa jóneltilgen. Qańtar-qarashada eksportqa 1,55 mln tonna ferroqorytpa jiberildi. Bul - aqshaǵa shaqqanda 1,7 mlrd dollar. Tonnaǵa shaqqanda eksporttyq jetkizilim kólemi 6,7 paıyzǵa ósip otyr. Degenmen, aqshalaı kórsetkish 14,4 paıyzǵa quldyraǵan.
Qazaqstannyń ferroqorytpa ónimderin negizinen Qytaı, Japonııa, Koreıa, Reseı jáne AQSh satyp alady.
