Qazaqstanda farmatsevtik naryqtaǵy básekege qabilettilikke taldaý jasaldy
ASTANA. 6 jeltoqsan. QazAqparat - QR Básekelestikti qorǵaý agenttigi farmatsevtıka jáne medıtsına salasy taýarlyq naryǵyndaǵy básekelestik ortanyń jaı-kúıine jasalǵan taldaýdyń nátıjelerimen tanystyrdy,
dep habarlaıdy primeminister.kz saıty.
Jasalǵan taldaý nátıjeleri boıynsha farmatsevtıka jáne medıtsına salasy naryǵynda básekelestikti damytýǵa yqpal etetin birqatar máseleler anyqtalǵan.
Olardyń ishinde Qazaqstan Respýblıkasy zańnamalarynda dárilik quraldardyń ishinara almastyrylýyn anyqtaý túsinigi men naqty belgileriniń bolmaýy; dárilik zattardy satý naryǵyndaǵy básekelestikti damytýda dárigerlik qaýymdastyqtyń farmatsevtıkalyq kompanııalarmen ózara árekettestiginiń durys uıymdastyrylmaǵan birqatar oqıǵalarynyń oryn alýy bar.
Sondaı-aq, kókeıkesti máseleler qataryna dárilik zattardy satý naryǵynda tolaıym satýshy-deldaldardyń kóp bolýy men aýyldyq jerlerde farmatsevtıkalyq naryqtaǵy básekelestiktiń damymaýyn jáne basqalardy ataýǵa bolady.
Agenttiktiń taldaýy sheńberinde 700-deı dárihanaǵa saýalnama júrgizilip, dárilik zattardyń bólshek saýdaǵa shyǵarylýyna jasalatyn kedergiler anyqtalǵan.
Agenttiktiń taldaýy nátıjesinde Qazaqstan Respýblıkasy Úkimetine jáne ýákiletti organdar - Densaýlyq saqtaý jáne Indýstrııa jáne jańa tehnologııalar mınıstrlikterine anyqtalǵan máselelerdi sheshý jáne kedergilerdi joıý jónindegi usynystar joldanatyn bolady.
