Qazaqstanda faarmatsevtıka salasynda qandaı iri jobalar júzege asyrylyp jatyr
ASTANA. KAZINFORM – Qazaqstanda jergiliktendirýdi damytý jáne tehnologııalar transferti aıasynda jetekshi halyqaralyq farmatsevtıkalyq kompanııalardyń qatysýymen kontraktilik óndiris boıynsha úsh iri joba iske asyrylyp jatyr. Bul týraly «SQ-Farmatsııa» JShS tóraǵasy Nurlybek Asylbekov baspasóz alańynda habarlady.
Atap aıtqanda, PFIZER kompanııasymen áriptestik sheńberinde «Abdı Ibrahım Global Farm» JShS bazasynda pnevmokokk ınfektsııasyna qarsy Prevenar-20 vaktsınasynyń óndirisi jolǵa qoıyldy.
Sonymen qatar ROCHE kompanııasymen birlesip, «Nobel AFF» AQ óndiristik alańynda álemdik deńgeıdegi onkologııalyq úsh dárilik zat – Peretta, Gertseptın jáne Kadsıla preparattarynyń óndirisi jolǵa qoıylǵan.
Al AstraZeneca kompanııasymen yntymaqtastyq aıasynda «Nobel AFF» AQ bazasynda sozylmaly júrek jetkiliksizdigin emdeýde qoldanylatyn Forsıga (dapaglıflozın) dárilik zatynyń óndirisi iske asyrylyp jatyr.
Osyǵan deıin 2025 jyly dári-dármek satyp alýdan 85 mlrd teńgeden astam qarjy únemdelgeni týraly jazdyq.