Qazaqstanda Evro-3 standartyn engizý merzimi jarty jylǵa keıin shegerildi - KKM

Eske sala ketsek, 2010 jylǵy 27 jeltoqsanda Qazaqstan Respýblıkasy Úkimetiniń «QR Úkimetiniń 2007 jylǵy 29 jeltoqsandaǵy № 1372 jáne 2010 jylǵy 24 qyrkúıektegi №977 qaýlylaryna ózgerister men tolyqtyrýlar engizý týraly» qaýlysyna qol qoıyldy. Bul qujatta Evro-3 ekologııalyq standartyn engizýdiń jańa merzimi belgilenip, avtokólik quraldaryn óndirýshi elderdiń kestesine ózgertýler engizildi.

Budan buryn, 2007 jylǵy 29 jeltoqsandaǵy № 1372 qaýly boıynsha Avtokólik quraldary bóletin zııandy zattarǵa qoıylatyn talaptar týraly tehnıkalyq reglament bekitilgen bolatyn. Onda Qazaqstan Respýblıkasy aýmaǵynda aınalymǵa túsken avtokólik quraldary úshin 3-ekologııalyq kezeńdi engizý 2011 jylǵy 1 qańtarǵa josparlandy.

Alaıda, respýblıka aýmaǵynda 2011 jylǵy 1 shildege deıin Kedendik Odaq sheńberinde jeke tulǵalar úshin avtomobılderdi syrttan ákelýge jeńildetilgen kedendik salyqtar qarastyrylǵandyqtan, osy is-sharalardy júzege asyrýdy qamtamasyz etý úshin QR Kólik jáne kommýnıkatsııa mınıstrligi «QR Úkimetiniń 2007 jylǵy 29 jeltoqsandaǵy № 1372 jáne 2010 jylǵy 24 qyrkúıektegi №977 qaýlylaryna ózgerister men tolyqtyrýlar engizý týraly» qaýlynyń jobasyn jasap, Úkimetke tapsyrdy. Osylaısha, joǵaryda aıtylǵan qaýlyǵa sáıkes, 3-ekologııalyq kezeńdi engizý merzimi 2011 jylǵy 1 shildege aýystyryldy.

Sonymen qatar, atalmysh qaýlyǵa sáıkes, joǵaryda aıtylǵan Tehnıkalyq reglamenttiń 5-qosymshasyna da ózgerister engizilip, onda elderdiń árqaısysyna avtomobılderdi jasap shyǵarý jyldary belgilendi.

Sonymen, Reseı úshin óndirý merzimi - 2008 jyldan bastap jáne odan keıin, Ýkraına úshin - 2010 jylǵy 1 shildeden bastap jáne odan keıin, Belarýs úshin - 2008 jyldan bastap jáne odan keıin, Ózbekstan úshin - 2010 jyldan bastap jáne odan keıin.

Bul qaýly 2010 jylǵy 27 jeltoqsanda qol qoıylǵannan keıin kúshine endi.