Qazaqstanda Eýropalyq ımmýnızatsııalaý aptalyǵy ótedi
ASTANA. QazAqparat - Qazaqstanda Eýropalyq ımmýnızatsııalaý aptalyǵy ótedi, dep habarlaıdy Salaýatty ómir saltyn qalyptastyrý problemalary ulttyq ortalyǵynyń baspasóz qyzmetinen.
«Salamatty Qazaqstan» memlekettik baǵdarlamasynyń aıasynda 22-26 sáýir aralyǵynda Qazaqstanda toǵyzynshy Eýropalyq ımmýnızatsııalaý aptalyǵy ótedi», - dep jazylǵan baspasóz paraǵynda.
Atalǵan shara Dúnıejúzilik densaýlyq saqtaý uıymynyń bastamasymen júrgizilýde. Sharanyń maqsaty - halyqty ımmýnızatsııalaýdyń mańyzdylyǵy jóninde aqparattandyrý jáne ár túrli vaktsınalarmen tolyqqandy egilýdi qamtamasyz etý. DDU málimetteri boıynsha, jyl saıyn ımmýnızatsııalaý álemde 3 mln-nan astam adamnyń ómirin qutqaratyn kórinedi. Ortalyqta habarlaǵandaı, Eýropalyq ımmýnızatsııalaý aptalyǵy bıylǵy jyly basty baǵyttary halyqtyń ımmýnoprofılaktıkaǵa senimmen qaraýdy qalyptastyrý, onyń qaýipsizdigi týraly aqparattandyrý, t.b. bolyp tabylady.
