Qazaqstanda ettiń sapasyn kórsetetin QR kod engizilip jatyr
ASTANA. KAZINFORM — Azyq-túlik qaýipsizdigin qamtamasyz etý úshin Aýyl sharýashylyǵy mınıstrligi mal sharýashylyǵy ónimderin tolyq qadaǵalaý jumysyn júrgizip jatyr.
Tórt túlik maldy tekserissiz soıýǵa jol bermeý maqsatynda aldymen veterınarııalyq tekserýdi jáne soıýdan keıingi veterınarııalyq-sanıtarııalyq saraptamany ótkizý úshin vedomstvo «Etti veterınarııalyq-sanıtarııalyq saraptaý» modýlin ázirledi.
Júıe soıý jáne ishki saýda obektilerinde veterınarııalyq-sanıtarııalyq saraptamadan ótkennen keıin saraptama aktisin berýdiń bıznes-protsesterin avtomattandyrady, sondaı-aq janýardyń tolyq ómirlik tsıkly týraly aqparaty bar QR kodty jasaıdy.
Bul QR et satatyn oryndarda turady, maldy veterınarlyq tekserýsiz jáne usha men aǵzalardy saraptamasyz soıýdyń aldyn alýǵa múmkindik beredi.
Qazirgi tańda joba iske qosylyp, barlyq oblystar men respýblıkalyq mańyzy bar qalalarda jumys istep tur.
Oǵan 1664 mal soıý orny, veterınarlyq-sanıtarlyq saraptama zerthanalary, saýda oryndary qosylǵan.
Júıede 1470-ten astam veterınar, Veterınarııalyq-sanıtarııalyq saraptama zerthanasynyń qyzmetkeri jáne memlekettik veterınarııalyq-sanıtarııalyq ınspektorlar tirkelgen.
QR-kod arqyly 117 myńnan astam veterınarııalyq anyqtama blankisi jáne 438 myń saraptama qorytyndysy shyǵaryldy.
Júıe Reseı Federatsııasymen shekaralas Sharbaqty veterınarlyq baqylaý pýnktinde synaqtan sátti ótti.
