Qazaqstanda ETsQ-ny qaıta alý qıyndaı tústi: qosymsha tekserý engizildi

ASTANA. KAZINFORM — Qazaqstan Respýblıkasynyń Ulttyq kýálandyrýshy ortalyǵy pki.gov.kz saıtynyń jeke kabınetinde elektrondyq tsıfrlyq qoltańba kiltterin qaıta shyǵarý kezinde qosymsha tekserý kezeńin engizdi. 

ETsQ kiltterin qaıta shyǵarý barysynda qosymsha tekserý kelesi eki tásildiń biri arqyly júzege asyrylady:

• Qazaqstan Respýblıkasynyń mobıldi azamattar bazasynda tirkelgen uıaly telefon nómirine jiberiletin bir rettik kodty engizý arqyly SMS-rastaý;
• eGov Mobile qosymshasyndaǵy tsıfrlyq qujattan alynǵan kodty engizý.

— Atalǵan tetik Qazaqstan Respýblıkasynyń mobıldi azamattar bazasynda tirkelgen telefon nómiri bolmaýyna baılanysty, Qazaqstan Respýblıkasynyń rezıdent emesterine qoldanylmaıtynyn atap ótken jón. Qabyldanǵan shara qaýipsizdik deńgeıin arttyrýǵa, paıdalanýshylardyń elektrondyq tsıfrlyq qoltańba kiltterin zańsyz paıdalanýdan qorǵaýǵa, sondaı-aq kiltterdi qaıta shyǵarý protsesin anaǵurlym senimdi etýge baǵyttalǵan, — delingen habarlamada.

Budan buryn 11 tamyzdan bastap elektrondy tsıfrlyq qoltańba tek onlaın beriletinin jazǵanbyz.