Qazaqstanda etnosaralyq kelisimniń biregeı úlgisi qalyptasty - Murat Bóribaev

QARAǴANDY. QazAqparat - QHA aldaǵy sessııasynda Elbasy etnosaralyq qarym-qatynasty úılestirýdi odan ári nyǵaıtý boıynsha naqty mindetter qoıady dep senemin. Bul týraly Qazaqstan halqy Assamleıasynyń múshesi Murat Bóribaev aıtty, dep habarlaıdy QazAqparat tilshisi.

Onyń pikirinshe, Táýelsiz Qazaqstan Respýblıkasynyń qalyptasýynda, Qazaqstan halqy Assambleıasyn qurýda Qazaqstannyń Tuńǵysh Prezıdenti, strategııalyq bastamalardyń bastamashysy N. Á. Nazarbaev úlken ról atqarady.

«Elbasynyń arqasynda Assambleıany qurý barysynda elimizde etnosaralyq jáne konfessııaaralyq kelisimniń biregeı úlgisi, senim, yntymaqtastyq pen ózara túsinistiktiń erekshe jaǵdaıy qalyptasty. Taý-ken ónerkásibi salasynyń ókili retinde «Qazaqmys korporatsııasy» JShS qyzmetkeri bul qoldaýdy jumys oryndarynda da sezinetinderine kúmánim joq. Bizdiń kásiporynda, 1,2,3-shi Jezqazǵan baıytý fabrıkalarynda 34 ult ókilderi, al jalpy korporatsııa boıynsha 128-ge jýyq ult ókilderi jumys isteıdi. Kásiporynda etnıkalyq jáne dinı qural-jabdyqtardyń kóp bolýyna qaramastan, qyzmetkerler barlyq óndiristik mindetterdi qaýipsiz oryndaıdy», - dedi Qazaqstan halqy Assamleıasynyń múshesi, «Qazaqmys» korporatsııasynyń Jezqazǵan taý-ken baıytý fabrıkasynyń dırektory Murat Bóribaev.

M.Bóribaev 2019 jyly Qazaqstan halqy Assambleıasynyń múshesi bolyp saılandy. Qazaqstan halqy Assambleıasynyń kezekti XXVII sessııasy ol úshin birinshi bolǵaly otyr.

«29 sáýirde sessııada Elbasy birlik pen kelisimniń formýlasy retinde etnosaralyq qatynastardy, toleranttylyqty odan ári nyǵaıtý men úılestirý boıynsha naqty mindetter qoıady dep kútemiz. Sessııadan oralǵan soń, josparlanǵan jáne alǵa qoıylǵan mindetterdi Jezqazǵan óńirinde, bizdiń kásiporyndarda iske asyrýǵa kirisemin», - deıdi Murat Bóribaev.