Qazaqstanda et, nan jáne jarma baǵasy qymbattady
«Qarjy naryǵyndaǵy jaǵdaı turaqty Inflıatsııa targettelgen 4-6 paıyzdyq dálizinen asqan joq. Qyrkúıekte jyldyq ınflıatsııa 5,3 paıyzǵa deıin baıaýlady. Aldyńǵa aıda ol 5,5 paıyz bolǵan edi. Azyq-túlik taýarlary baǵasynyń ósýi ınflıatsııaǵa barynsha áser etkenin atap ótý kerek. 2017 jyldyń basynan beri ol eń joǵarǵy 9,1 paıyzdyq deńgeıge jetti. Et baǵasy - 13,5 paıyzǵa, nan, toqash ónimderi men jarma - 12,7 paıyzǵa ósti. Olardyń ınflıatsııalyq úlesi – 1 paıyz. Bul taýarlar álemdik baǵa men eksport kóleminiń ósýi aıasynda qymbattady», - dedi Ulttyq bank tóraǵasy Úkimet otyrysynda.
Erbolat Dosaevtyń aıtýyna qaraǵanda, azyq-túlikke jatpaıtyn aqyly qyzmetter baǵasy ınflıatsııany tejeýge yqpal etýde.
«Azyq-túlikke jatpaıtyn aqyly qyzmetter baǵasynyń jyldyq ósimi 5,4 paıyz boldy. Bul 2015 jylǵy qazannan beri mınımým bolyp otyr», - dedi ol.
Erbolat Dosaevtyń sózine sensek, jyl qorytyndysy boıynsha ınflıatsııa belgilengen dálizde qalady.
«Inflıatsııa 5,7-5,8 paıyzdyq deńgeıde qalyptasady», - dedi ol.
