Qazaqstanda eski kólikterdiń naryǵy keńeıdi me
ASTANA. QazAqparat - Qańtar-naýryzda Qazaqstanda 284 myńnan astam avtokólik tirikeýge qoıyldy. Bul týraly «QazAvtoÓnerkásip» avtokólik salasyndaǵy kásiporyndar odaǵy málim etti, dep habarlaıdy QazAqparat.
«2018 jyldyń qańtar-naýryzynda ákimshilik polıtsııa organdary tirkeýge 284 649 avtokólikti qoıdy. Atalǵan kórsetkish ótken jyldyń sáıkes kezeńinen 13,6 paıyzǵa artyq. Onyń ishinde 269 353-i ekinshi ret tirkelgender úlesinde, ıaǵnı bir adamnan ekinshi adamnyń atyna aýystyrylǵan kólikter sanatyna jatqyzyldy. Ósim 2017 jylmen salystyrǵanda 12,3 paıyzǵa jetti. Al alǵash ret tirkelgen kólik quraldarynyń sany 15 296-ny qurady. Ol byltyrǵa qaraǵanda, 42,4 paıyzǵa joǵary boldy», - dep atap kórsetilgen taratylǵan málimette.
«QazAvtoÓnerkásiptiń» habarlaýynsha, bıylǵy birinshi toqsanda qaıta tirkelgen kólikterdiń úshten ekisin (68,6 paıyzy) paıdalaný merzimi 10 jyldan asqan kólikter qamtyǵan.
Onyń ishinde 20 jyldan asqandardyń úlesi 104 407 (38,8 paıyz) bolsa, 11-den 20 jylǵa deıingiler 29,8 paıyzdy qurady.
Al 4-ten 7 jylǵa deıin - 56 239 (20,9 paıyz), 8-den 10 jylǵa deıin - 15 531 (5,8 paıyz), 1-den 3 jylǵa deıingi kólikter sany 8 692-ge jetti. Sonymen qatar paıdalaný merzimi 1 jylǵa jetpegen kólikterdiń úlesi 4 115 boldy.
Taratylǵan málimetke súıensek, 2017 jyldyń sáıkes kezeńimen salystyrǵanda, otandyq avtoparktiń eskirýiniń turaqty úrdisi baıqalýda. Osy oraıda naryqta 20 jyldan asqan kólikti qaıta satý kórsetkishi 35,2 paıyzdan 38,8 paıyzǵa deıin ósken. Al paıdalaný merzimi 1-3 jyl aralyǵyndaǵy avtokólikter 7,6 paıyzdan 3,2 paıyzǵa deıin qysqardy.
