Qazaqstanda eski kólikter ýtılızatsııaǵa 11 qańtardan bastap qabyldanady
NUR-SULTAN. QazAqparat – Qoldanystan shyǵyp qalǵan kólikterdi ýtılızatsııaǵa qabyldaýdyń 2021 jylǵy baǵdarlamasy 11 qańtarda qaıta jandanady, dep habarlaıdy QazAqparat tilshisi Operator «ROP» baspasóz qyzmetine silteme jasap.
Atap aıtqanda 11 qańtardan bastap Qaraǵandy, Qyzylorda, Pavlodar, Semeı, Taldyqorǵan, Taraz, Óskemen jáne Shymkent qalasyndaǵy qabyldaý beketine kólikti ótkizýge bolady. al 18 qańtardan bastap Aqtaý, Aqtóbe, Atyraý, Kókshetaý, Qostanaı, Nur-Sultan, Petropavl men Oral qalalarynyń qabyldaý beketi jumysyn bastaıdy.
Al 1 aqpannan bastap eski kólikter Almaty qalasynda da qabyldanady.
2021 jyly AEK kólemi artqandyqtan eski kólik úshin beriletin tólem kólemi de ósti:
- M1sanaty boıynsha – 210 024 tg;
- M2 sanaty boıynsha – 420 048 tg;
- M3,N3 sanaty boıynsha – 630 072 tg.
Qabyldaý beketteriniń mekenjaıy recycle.kz portalynda jarııalanǵan.
