Qazaqstanda esirtkige táýeldi azamattardyń sany azaıdy
ASTANA. 25 jeltoqsan. QazAqparat - Qazaqstanda esirtkige táýeldi azamattardyń sany azaıdy. Sońǵy bes jylda olardyń sany 26% tómendegen. Bul týraly búgin Astanada Shanhaı yntymaqtastyq uıymyna (ShYU) múshe memleketterdiń esirtkiniń zańsyz aınalymyna qarsy kúres quzyretti organdary basshylary keńesiniń otyrysynda QR ІІM Esirtki bıznesine qarsy kúres komıteti tóraǵasynyń orynbasary polıtsııa polkovnıgi Bahytjan Beıseev málim etti.
Otyrys barysynda san salaly máseleler qaraldy. Shanhaı yntymaqtastyq uıymyna múshe memleketterdiń 2011-2016 jyldarǵa arnalǵan esirtkige qarsy strategııasyn 2014 jyly odan ári iske asyrý jónindegi taraptardyń usynystary talqylanǵan bolatyn.
«Qabyldanyp jatqan sharalardyń nátıjeliligin sıpattaıtyn mańyzdy faktor Qazaqstannyń esirtkige táýeldi azamattarynyń sanyn turaqtandyrý ǵana emes ony qysqartý máselesin de qaraý qajet. Sońǵy bes jylda olardyń sany 26% ( 54669-dan 40224-ke deıin) tómendedi. Esirtki tutynýshylardyń jas shamalarynyń «kártaıýy» bastapqy profılaktıka boıynsha júrgizilip jatqan jumysta qol jetken mańyzdy jetistik dep ataýǵa bolady. Kámeletke tolmaǵandar sany 64% ( 723-ten 263-ke den) tómendedi. Bul durys basymdyqtardy jáne jastarymyzdyń boıynda qundylyqtardy qalyptastyrý, salaýatty ómir saltyn nasıhattaý boıynsha júrgizip otyrǵan bizdiń jumysymyzdyń tıimdiligin kórsetedi»,- dep atap ótti otyrysqa tóraǵalyq etken B.Beıseev.
Sondaı-aq, ol sózinde osy kezdesýdiń ózektiligi nashaqorlyq profılaktıkasy róliniń esirtki qylmysynyń tómendeýine ákeletinin atap kórsetti.
Osy otyrysta qol jetkizilgen ýaǵdalastyqtar, qabyldanǵan sheshimder ShYU-ǵa múshe memleketterde esirtkige qarsy suranysty tómendetýdiń tıimdi keshendik júıesin qalyptastyrý maqsatynda quzyretti organdardyń esirtkiniń zańsyz aınalymyna qarsy jumysyn úılestirýdiń neǵurlym joǵary deńgeıine qol jetkizýge jáne nashaqorlyqtyń aldyn alýdy jetildirýge múmkindik beredi.
