Qazaqstanda esirtkige táýeldi adamdardyń sany 35%-ǵa azaıǵan - ІІD
ALMATY. QazAqparat - Qazaqstanda sońǵy 5 jylda esirtkige táýeldi adamdardyń sany 35%-ǵa azaıǵan, dep habarlaıdy QazAqparat tilshisi.
«Qazaqstanda ońtústik shekarany tekserý quraldarymen qamtý boıynsha birqatar aýqymdy sharalar qabyldandy. Ońtústik shekaranyń ótkizý pýnkti ǵana emes barlyq perımetri qorǵanys jáne baqylaý júıesimen qamtylǵan. Nátıjesinde júrgizilgen sharalardyń tıimdiligine qol jetkizildi. Buǵan turaqtylyq pen Qazaqstandaǵy esirtkige táýeldilerdiń azaıǵandyǵy dálel», - dedi QR ІІM esirtki bıznesine qarsy kúres jáne esirtki aınalymyn baqylaý departamentiniń ókili Ivan Dobryshın.
Onyń aıtýynsha, Qazaqstandaǵy esirtki tutynýshylardyń sany barlyq sanat boıynsha sońǵy 5 jylda 35%-ǵa azaıǵan.
«Qazir kezekte 23,5 myń esirtkige táýeldi adam tirkeýde tur. Onyń ishinde 124-i kámelet jasyna tolmaǵandar, al 1735-i áıelder. Osy aralyqta esirtkiniń zańsyz aınalymyna qarsy kúres boıynsha 19 myńnan astam esirtki qylmysy jasalǵan. Onyń 13 myńy saýdaǵa qatysty bolsa, 1300-den astamy esirtki kontrabandasyna baılanysty zańbuzýshylyqtar. Zańsyz aınalymnan 185 tonnadan astam túrli preparat alyndy», - dedi I.Dobryshın.
