Qazaqstanda esirtki saýdalaǵan saıt buǵattaldy

QYZYLORDA. QazAqparat - Qyzylorda oblysynyń prokýroratýrasy el aýmaǵynda esirtki saýdalaǵan saıtty buǵattady, dep habarlaıdy QazAqparat veodomstvonyń baspasóz qyzmetine silteme jasap.

Oblystyq prokýratýrada esirtki aınalymyna qarsy kúres máseleleri boıynsha quqyq qorǵaý, arnaıy organdardyń jáne densaýlyq saqtaý mekemeleriniń ókilderinen quralǵan vedomstvoaralyq jumys tobynyń nátıjesi talqylandy.

Qadaǵalaý organynyń úılestirýimen jumys toby jastar kóp shoǵyrlanatyn jerlerde reıdter, oqýshylar men stýdentter arasynda túsindirme jumystaryn jáne ǵalamtor keńistigi men áleýmettik jelilerge monıtorıng júrgizdi.

Osy jumystyń nátıjesinde Qazaqstan aýmaǵynda esirtki zattarynyń kóptegen túrin (Sativa «Y», Moroccan Caramello, Afghan, Blackberry Kush, Jack Herer, Green Crack, Diamond OG, AK-47, Sour Bubble) jarnamalap, olardy taratqan Cannabis-kz.ml saıty anyqtaldy.

Bul saıtta esirtkini onlaın ámııanǵa aqsha salý arqyly satyp alýǵa bolatyn. Sonymen qatar, saıtta 950 myń teńge jalaqymen dıller jáne jetkizýshi qyzmetkeri izdestirilgen.

Oblystyq prokýratýranyń usynýy boıynsha Aqparat jáne kommýnıkatsııalar mınıstrligi atalǵan saıtty buǵattady.