Qazaqstanda esirtki paıdalanatyn kámeletke tolmaǵandar sany 30 paıyzdan astamǵa kemidi - A.Vyborov
ASTANA. QazAqparat - Ótken jyly Qazaqstanda esirtki paıdalanatyn kámeletke tolmaǵandar sany 30 paıyzdan astamǵa kemidi. Bul týraly búgin QR ІІM Esirtki bıznesine qarsy kúres komıtetiniń tóraǵasy, polıtsııa general-maıory Anatolıı Vyborov málim etti.
Onyń atap ótýinshe, qazirgi tańda elimizdegi esirtkige qatysty ahýal barynsha kúrdeli bolyp otyr. Degenmen, bul sala tolyǵymen baqylaýǵa alynǵan ári turaqty. «Mańyzdy baǵyttardyń biri retinde Qazaqstan azamattary arasynda esirtki tutyný kóleminiń tómendep kele jatqanyn aıtýǵa bolady. Tek ótken jyly ǵana esirtki tutynýshylardyń kemýi 15-15,5 paıyzdy qurady. Eń qýantarlyǵy, kámeletke tolmaǵandar arasynda bul kórsetkish 30 paıyzdan astamǵa tómendep otyr», - dedi ol. Onyń sózine qaraǵanda, esirtki zattaryn zańsyz paıdalanýmen kúres naqty jolǵa qoıylǵan. Sonymen qatar Aýǵanstannan esirtki zattarynyń negizgi bóligi keletin elimizdiń ońtústik shekaralary kúsheıtilgen. Bul jumystarǵa UQK, ІІM, keden, shekara qyzmetteri jumyldyrylǵan.
