Qazaqstanda eshqandaı terrorıstik bazalar joq - Á. Shaıahmetov
ASTANA. Jeltoqsannyń 8-i. QazAqparat /Qanat Mámetqazyuly/ - Qazaqstanda eshqandaı da terrorıstik bazalar joq. Búgin QR Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń otyrysyndaǵy «QR keıbir zańnamalyq aktilerine terrorızmge qarsy is-qımyl máseleleri boıynsha ózgerister men tolyqtyrýlar engizý týraly» zań jobasyn talqylaý barysynda
QR Ulttyq qaýipsizdik komıteti tóraǵasynyń mindetin atqarýshy Ádil Shaıahmetov osylaı málim etti, dep habarlaıdy QazAqparat.
«4-5 jyl buryn Qazaqstannyń kórshiles memleketteri tarapynan bizdiń elimiz aýmaǵynda terrorıstik bazalar bar degenge saıatyn aqparattar taratylǵan edi. Osyǵan oraı, 2004 jyldan bastap Jambyl, Semeı, Pavlodar oblystarynda tıisti sharalar atqarylyp, terrorıstik uıymdarǵa qatysy bar birqatar azamattar ustaldy. Rasynda, kezinde Jambyl oblysyna qarasty óńirlerde terrorıstik bazalar bar degen málimetter jarııalanǵan bolatyn. Mundaı aqparattarǵa qatysty muqııat tekserýler, jiti qadaǵalaý sharalary júrgizildi. Osy óńirlerde lańkestik uıymǵa qatysy bar azamattar ustalǵanymen de, ondaı bazalardyń bolmaǵandyǵyn naqty anyqtadyq», dedi Á. Shaıahmetov depýtattar saýalyna jaýap berý barysynda.
