Qazaqstanda esep aıyrysýda shetel valıýtasyn qysqartý mindeti tur - Danııar Aqyshev
«Qazaqstanda «Astana» halyqaralyq qarjy ortalyǵy quryldy. «Qorǵas» arnaıy ekonomıkalyq aımaǵy quryldy. Bul obektilerdiń aýmaǵynda valıýtalyq operatsııalardy retteý kerek. Sondaı-aq, Qazaqstannyń Dúnıejúzilik saýda uıymyna kirgenin eskere otyryp, zań jobasyn ázirleý qajet boldy. Negizgi mindet valıýtalyq operatsııalardyń monıtorıngin keńeıtý bolyp tabylady. Qazaqstan aýmaǵyndaǵy esep aıyrysýda shetel valıýtasyn qysqartý mindeti tur. Zań jobasyn qabyldaý qarapaıym azamattarǵa áser etpeıdi. Sebebi olar úshin valıýtalyq retteýdiń lıberaldy ustanymdary saqtaldy», - dep atap ótti Ulttyq bank tóraǵasy Danııar Aqyshev.
Belgili bolǵandaı, sheteldik uıymdardyń fılıaldaryn rezıdent retinde taný eskerilgen. Qoldanystaǵy zańnamaǵa sáıkes, sheteldik uıymdardyń fılıaldary beırezıdent retinde Qazaqstanda valıýtalyq operatsııalardy júzege asyrady. Olardyń Qazaqstan tulǵalarymen esep aıyrysýyn teńgege aýystyrý usynylady. Osy túzetýler jergilikti kompanııalar men sheteldik uıymdardyń fılıaldary úshin bıznes júrgizýdiń teń talaptaryn qamtamasyz etýge múmkindik beredi.
Munymen qosa, valıýtalyq operatsııalar týraly aqparat jınaý rásimderin jeńildetý sharalary qamtylyp otyr. Tirkeý men habarlaýdyń kúrdeli rejimi joıylady. Olardyń ornyna valıýtalyq sharttardy biryńǵaı eseptik tirkeý engiziledi.
Aqshany elden shyǵarýǵa qarsy is-qımyldy kúsheıtýge máselesine toqtalǵan D. Aqyshev, aqshany elden áketý belgileri bar valıýtalyq operatsııalardyń tizbesin engizý, memlekettik kiris organymen belsendi aqparattyq jáne ózge de ózara is-qımyl eskeriletinin atap ótti. Aqparatpen tıimdi almasý túrli memlekettik organdarǵa bir mámile boıynsha jalǵan málimetterdi anyqtaýǵa múmkindik beredi.
Budan bólek, Qazaqstandaǵy valıýtalyq qundylyqtardyń aınalys tártibin naqtylaý kózdelgen. Mysaly, zań jobasy banktik emes aıyrbastaý pýnktterine Ulttyq banktiń shaǵyn quımalaryn satyp alý jáne satý quqyǵyn usynady.