Qazaqstanda erteń jańbyr jaýady, naızaǵaı jarqyldaıdy jáne kúshti jel soǵady dep kútilýde - Qazgıdromet
ASTANA. 11 qyrkúıek. QazAqparat - Qazaqstan aýmaǵynyń basym bóliginde, erteń, 12 qyrkúıekte, aýa raıynyń turaqsyzdyǵy saqtalady, keı jerlerde jańbyr jaýyp, naızaǵaı jarqyldaıdy, jel kúsheıedi, túnde respýblıkanyń soltústiginde keı jerlerde tuman túsedi dep kútilýde.
Tek Qazaqstannyń ońtústik-shyǵysynda aýa raıy jaýyn-shashynsyz bolady dep kútilýde, dep habarlaıdy «Qazgıdromet» RMK málimetterine silteme jasap, QR TJM baspasóz qyzmetinen.
Aqmola oblysynda keı jerlerde 15-20 m/s jel soǵady dep kútilýde, túnde jáne tańerteń keı jerlerde tuman túsedi. Jambyl, Mańǵystaý, Qaraǵandy, Shyǵys Qazaqstan oblystarynda, kúndiz Ońtústik Qazaqstan oblysynda keı jerlerde jel 15-23 m/s-qa kúsheıedi dep kútilýde.
Osylaısha, Jambyl, Atyraý, Ońtústik Qazaqstan, Qaraǵandy, Shyǵys Qazaqstan oblystarynda, kúndiz Aqmola, Qyzylorda oblystarynda keı jerlerde jel 15-21 m/s-qa kúsheıedi, Qyzylorda oblysynda shań kóterilip, daýyl turady.
Qostanaı, Soltústik Qazaqstan oblystarynda túnde jáne tańerteń keı jerlerde tuman túsedi.
Respýblıkanyń ońtústiginde, ońtústik-shyǵysynda, ortalyǵynda keı jerlerde jáne soltústik-batysynda joǵary órt qaýpi saqtalady.
«Jaqyn táýlikterde respýblıkanyń ońtústigi jáne shyǵysynyń taýly ózenderinde sý deńgeıiniń turaqsyzdyǵy baıqalady. Qazaqstannyń qalǵan sý nysandarynda gıdrologııalyq tártipte aıtarlyqtaı ózgerister kútilmeıdi», - dep habarlady vedomstvoda.
