Qazaqstanda erte bilim berý júıesi engiziledi - Baqytjan Jumaǵulov
ASTANA. 12 qyrkúıek. QazAqparat - Barlyq qazaqstandyqtardy básekege qabilettiliktiń álemdik reıtıngisinde 72-inshi orynnan 51-inshi orynǵa shyqqanymyzben quttyqtaımyn. Bul Memleket basshysynyń básekelestikke qabiletti 50 eldiń qataryna kirý tapsyrmasynyń nátıjesin kórsetetin úlken jetistik.
Bul týraly Bnews.kz portaly júrgizgen «Bilim júıesin jańartý - adamı áleýettiń sapaly damýynyń negizgi vektory» atty onlaın-konferentsııada QR Bilim jáne ǵylym mınıstri Baqytjan Jumaǵulov málimdedi.
Mınıstrdiń aıtýynsha, bul jeńiske Qazaqstannyń saıası jáne ekonomıkalyq jetistikterimen qatar, bilim jáne ǵylym júıesiniń damýy da óz úlesin qosty. Álemdik reıtıngide 11 ındeks boıynsha oryn belgilenedi, al bizdiń elimiz solardyń kóbinde óte jaqsy nátıje kórsete bildi
«Bilim salasyn damytýda meniń erekshe atap ótkim keletin negizgi eki sala bar. Birinshisi, barlyq bilim mekemeleriniń materıaldyq-tehnıkalyq bazasyn jańartý, eń aldymen balabaqshalar, mektepter, jataqhanalar salý, hımııa kabınetterin jabdyqtaý, fızıka pánin zerthanalarmen qamtamasyz etý jáne taǵy basqalar. Al ekinshi, álemdik tájirıbege negizdele otyryp, bilim berýdiń sapasyn arttyrý», - dep atap ótti mınıstr.
BǴM basshysynyń aıtýynsha, búginde elimizde bilim berý júıesi ǵana emes, bilim berýdiń tehnologııasy men ádistemesi de tolyqtaı qaıta qarastyrylý ústinde. Ol úshin biliktilikti arttyrýdyń da, oqýshylardyń bilimin baǵalaýdyń da jańa júıeleri qalyptasty. «Biz eń aldymen bilim berý sapasyn baqylaýdyń júıesin ulttyq deńgeıge deıin kóterdik. Bul óz kezeginde elimizdiń túkpir-túkpirinde bolyp jatqan jaǵdaılardy baıyptylyqpen baǵalaýǵa múmkindik beredi», - dedi ol.
«Memleket basshysy bizge erte bilim berý júıesin engizýge tapsyrma bergen bolatyn. Búginde álemdik tájirıbe men Úlken jetiliktiń mysalyn ala otyryp, Qazaqstan da erte bilim berý júıesine ótip kele jatyr. ıAǵnı, barlyq bilim júıesin úlken ózgerister kútip tur», - dep basa aıtty B. Jumaǵulov.
