Qazaqstanda «Erlik sabaqtaryn» uıymdastyrý úshin ádistemelik keshen ázirlendi - general-maıor Talǵat Muhtarov (FOTO)
Ol Qazaq handyǵynyń 550 jyldyǵy men 1941-1945 jyldardaǵy Uly Otan soǵysynyń 70jyldyǵyn merekeleý sheńberinde halyqaralyq Bilim kúnine oraılastyryldy.
«Áskerı-patrıottyq tárbıeni keshendi júrgizip, ony mektep oqýshylary arasynda keńinen nasıhattaý jáne jas urpaqtyń boıyna sińirý búgingi kúnniń talaby bolyp otyr. Osy oraıda, «Erlik sabaqtaryn» sapaly uıymdastyrý úshin ádistemelik kesheni ázirlendi» - dedi QR qorǵanys mınıstriniń orynbasary general-maıor Talǵat Muhtarov. Respýblıkamyzdyń mektepteri men kolledjderinde «Erlik sabaqtaryn» ótkizý úshin QR Qarýly Kúshterinen barlyǵy 1 300-den asa áskerı qyzmetshi qatysqanyn atap ótken jón. Sabaqtardy ótkizýge QR QK generaldary, ofıtserleri men serjanttary, QR QK ÁTK bas qolbasshysy, QR QK túrleriniń bas qolbasshylarynyń orynbasarlary, óńirlik qolbasshylyqtar men ásker túrleriniń qolbasshylary, sondaı-aq áskerı bólim komandırleri qatysty. Aktsııa Qazaqstannyń barlyq óńirlerin qamtydy. Odan basqa, alǵashqy qońyraý S. Nurmaǵambetov atyndaǵy «Jas ulan» respýblıkalyq áskerı mektebiniń tárbıelenýshileri úshin de soǵyldy. Osy oqý jylynda mektep 82 oqýshyny qabyldady. Osy jyldyń jańalyǵy budan buryn jasóspirimder 7 synyptan bastap qabyldansa, endi jańa erejege sáıkes «Jas ulanǵa» jalpy bilim berý mektebiniń 9 synybyn bitirgen jáne negizgi orta bilim týraly kýálik alǵan bozbalalar túse alady.