Qazaqstanda erkin, ádil jáne básekeli prezıdent saılaýyn ótkizýge barlyq jaǵdaılar jasalǵandyǵy anyq, ári túsinikti boldy - AQSh delegatsııasy
ASTANA. 4 sáýir. QazAqparat /Jasulan Amanbaıuly/ - Qazaqstanda erkin, ádil jáne básekeli prezıdent saılaýyn ótkizýge barlyq jaǵdaılar jasalǵandyǵy anyq, ári túsinikti boldy. Bul týraly búgin Astanada ótken brıfıng barysynda AQSh-tyń halyqaralyq baqylaýshylarynyń múshesi Rıchard Vaıts málim etti.
AQSh delegattary eldiń tórt óńirindegi jáne Astana men Almaty qalalaryndaǵy 65 saılaý ýchaskesiniń jumysyn baqylady. Olar saılaýdyń ótkizilý barysyna qatysty aldyn ala málimdeme jasady.
«Jalpy alǵanda, biz barlyq aralaǵan ýchaskelerde saılaý úderisi jaqsy uıymdastyryldy jáne ashyq ótti degen baǵa beremiz. Daýys berý kezinde keıbir uıymdastyrýshylyq qatelikter bolǵany ras, biraq olar saılaý komıssııasynyń tıimdi qyzmeti jaıyndaǵy jalpy túsinikke áser ete almady»,-deıdi ol málimdemede táýelsiz baqylaýshylar mıssııasynyń soltústik amerıkalyq ókilderi.
«QR Prezıdentiniń saılaýdaǵy jeńisinen keıin elde erkin, ádil jáne básekeli prezıdent saılaýyn ótkizýge barlyq tehnıkalyq jaǵdaılar, sondaı-aq qajetti quqyqtyq-normalyq bazanyń jasalǵandyǵy anyq, ári túsinikti boldy»,-dep atap kórsetti R. Vaıts.
