Qazaqstanda eriktilikti qazaqtyń «asar» saltymen ushtastyryp damytý qajet - F.Qasenov
ALMATY. Jeltoqsannyń 8-i. QazAqparat /Erbol Azanbek/ - Qazaqstanda eriktilikti qazaqtyń «asar» saltyna negizdep, damytý kerek.
Bul týraly búgin Almatyda ótken «Qazaqstanda eriktilikti damytý: halyqaralyq tájirıbe» atty konferentsııa barysynda aıtyldy, dep habarlaıdy QazAqparat.
«Public Association BOLASHAK" qaýymdastyǵynyń basqarma tóraǵasy Farhad Qasenovtyń aıtýynsha, qazaqtyń qonaqjaılylyǵymen qatar, aǵaıynǵa kómek qolyn sozatyn jaqsy dástúri bar. "Bul dástúr qazir de umytylǵan joq. Alaıda halyqaralyq nusqasy eriktilik bolyp tabylatyn osy saltty eriktilikpen ushtastyryp damytý qajet. Óıtkeni eriktilik bizde óte tómen deńgeıde qalyp otyr", deıdi F.Qasenov.
Onyń aıtýynsha, eriktilik sharasy qazirgi joǵary oqý oryndaryndaǵydaı kúshtep júrgizilmeýi kerek. "Bul eriktilikti damytpaıdy. Onyń joǵalýyna ákep soǵady", deıdi ol.
