Qazaqstanda «Erespal» dárisine berilgen tirkeý kýáligi qaıtaryp alynady
Habarlanyp otyrǵandaı, Densaýlyq saqtaý mınıstrligi 2019 jyldyń 13 aqpanynda joǵaryda atap kórsetilgen preparattyń tirkeý kýáligin qaıtaryp alý jóninde sheshim qabyldaǵan.
«Dárilik zattardy, medıtsınalyq maqsattaǵy buıymdardy jáne medıtsına tehnıkasyn ulttyq saraptaý ortalyǵynyń farmakologııalyq komıssııa májilisinde «Les Laboratoires Servier» (Frantsııa) kompanııasynyń ótinishi qaraldy. Onda QR memlekettik tiziliminde tirkelgen «Erespal» dárilik preparatynyń jáne HPA fenspırıd dep atalatyn basqa preparattardyń tirkeý kýáligin toqtatý usynyldy», - delingen habarlamada.
Sonymen birge, QR Densaýlyq saqtaý mınıstrliginiń málimeti boıynsha Qazaqstanda «Erespal» preparaty týǵyzǵan jaǵymsyz reaktsııalardyń bir de bir jaǵdaıy tirkelmegen.
Aıta keteıik, «Erespal» - respıratorlyq júıeni jáne tynys alý joldarynyń aýrýlaryn emdeýge arnalǵan dárilik zat. «Erespal» qabyldaıtyn patsıentter úshin júrek yrǵaǵy buzylýynyń azdaǵan qaýpi bar.
«Osy oraıda, dári-dármekten jaǵymsyz reaktsııa týyndaǵanda patsıentter emdeýshi dárigermen birge sary karta-habarlama toltyryp, DZUSO resmı veb-saıty arqyly habarlaýyna bolady», - delingen mınıstrliktiń habarlamasynda.