Qazaqstanda eresekterdiń 21,5%-y temeki shegedi

NUR-SULTAN. QazAqparat – Qazaqstanda eresekterdiń 21,5%-y temeki shegedi. Bul týraly QR Densaýlyq saqtaý mınıstri Ajar Ǵınııat Úkimet otyrysynda aıtty, dep habarlaıdy QazAqparat tilshisi.

«Dúnıejúzilik densaýlyq saqtaý uıymynyń 2019 jylǵy zertteý derekteri boıynsha Qazaqstan Respýblıkasynda 15 jastan asqan eresek adamdardyń arasynda temeki shegý – 21,5% bolǵan. Bul rette er adamdar arasynda – 38%-dan astamy, áıelder arasynda-6,4%-y temeki shegedi. Temeki shegýdi bastaýdyń ortasha jasy – 17-den 18 jas», - dedi vedomstvo basshysy.

Mınıstr keltirgen statıstıka boıynsha, 15 jastaǵy uldardyń arasynda temeki shegý kórsetkishi – 10%, qyzdardyń arasynda - 6%.

«Jasóspirimderdiń arasynda elektrondyq sıgaretterge degen áýestik joǵary. Uldardyń arasynda 15 jastaǵy qyzǵysh temekini tutynýshylar – 14%, qyzdardyń arasynda - 6% quraıdy», - dedi Ajar Ǵınııat.