Qazaqstanda eresekter daǵdylarynyń Halyqaralyq aprobatsııalyq zertteýi bastaldy
ASTANA. QazAqparat - 2016 jylǵy 1 tamyz jáne 30 qyrkúıek aralyǵynda Astana qalasynda jáne Qazaqstannyń tórt óńirinde(Aqtóbe, Shyǵys Qazaqstan, Qostanaı jáne Ońtústik Qazaqstan) PIAAC eresekterdiń daǵdylarynyń Halyqaralyq aprobatsııalyq zertteýi ótedi. Bul týraly Aqparattyq-taldaý ortalyǵynan habarlandy.
PIAAC jobasyn Ekonomıkalyq jáne yntymaqtastyq damý uıymy úılestiredi (EYDU).
PIAAC zertteýiniń Qazaqstandaǵy Ulttyq úılestirýshisi Bilim jáne ǵylym mınıstrligi «Aqparattyq-taldaý ortalyǵy» AQ bolyp tabylady.
Atap aıtqanda, PIAAC - bul 16-dan 65 jasqa deıingi halyqtyń matematıkalyq, oqý jáne kompıýterlik saýattylyǵyn (bazalyq quzyrettiligi) tolyq kólemdi zertteý. PIAAC zertteýine 37 el, onyń ishinde EYDU-nyń 28 eli qatysady. Qazaqstanda aprobatsııalyq zertteýge kezdeısoq ádispen iriktelgen 1 765 adam qatysady. Negizgi zertteý 2017 jyly ótedi dep kútilýde.
Halyqtyń eresek bazalyq quzyretterin zertteý «Qoǵamdyq pikir» zertteý ınstıtýtynyń suhbat alýshylarymen respondentterdiń AKT-daǵdylaryn ıelený dárejesine baılanysty kompıýterlik nemese qaǵaz formatynda júzege asyrylatyn bolady.
Bul zertteýge qatysý bilim berý jáne jumyspen qamtý salasyndaǵy saıası sheshimder úshin statıstıkalyq bazany qurýǵa; eldiń eresek turǵyndarynyń áleýeti men básekege qabilettiligin táýelsiz halyqaralyq baǵalaýǵa; eńbek naryǵyndaǵy adamdardy daıyndaýda bilim berý júıesiniń tıimdiligin baǵalaýǵa múmkindik bermek.
PIAAC jáne aldyńǵy zertteýler nátıjesinde kóptegen elderde saıası sheshimder qabyldandy. Atap aıtqanda, Slovakııada halyqtyń tórtten bir bóligi kompıýterlik saýatsyz bolǵandyqtan, oqýshylardyń jáne muǵalimderdiń kompıýterlik daǵdylaryn damytýǵa baǵyttalǵan «Digipedia 2020» baǵdarlamasy engizilgen bolady. Estonııa halqynyń sany 50+ jastaǵy jáne basqalar úshin bilim berý múmkindikterin qamtamasyz etý úshin Active Ageing strategııasyn qabyldady.
