Qazaqstanda erekshe qorǵalatyn tabıǵı aýmaqtar jerin paıdalaný tártibi qaıta qaraldy

ASTANA. KAZINFORM – Úkimet qaýlysymen erekshe qorǵalatyn tabıǵı aýmaqtar jerin bosalqy jerler sanatyna jáne bosalqy jerlerdi qaıtadan erekshe qorǵalatyn tabıǵı aýmaqtar jerine aýystyrý qaǵıdalaryna ózgerister engizildi.

Atap aıtqanda, memlekettik ekologııalyq saraptamanyń oń qorytyndysy bolǵan jaǵdaıda Úkimettiń sheshimimen jerlerdi bosalqy jerler sanatyna aýystyrýǵa bolatyn jaǵdaılardyń tizbesi keńeıtildi.

Oǵan:

- jerlerdi paıdalaný maqsatynda aýystyrý jaǵdaılary qosyldy;

- densaýlyq saqtaý jáne bilim berý nysandaryn paıdalaný úshin;

- qoldanystaǵy zırattar úshin;

- kárizdik tazartý qurylystary úshin;

- erekshe qorǵalatyn tabıǵı aýmaqtar qurylǵanǵa nemese olardyń aýmaǵy keńeıtilgenge deıin salynǵan ári sol aýmaqta ornalasqan, nysanaly maqsaty ózgertilmeıtin elektr berý jelilerin paıdalaný úshin.

Jerdi aýystyrýǵa negiz retinde aýmaqtyń fýnktsıonaldyq aımaqtalýyn jáne ýákiletti organ bekitken ınfraqurylymdy damytýdyń bas josparyn eskeretin komıssııanyń oń qorytyndysy qabyldanady.

Qaýly qol qoıylǵan kúninen bastap kúshine enedi.

Eske sala keteıik, Májilis erekshe qorǵalatyn tabıǵı aýmaqtarǵa qatysty zańdy qabyldaǵan edi.